„Það eru mikilvæg verkefni framundan en okkar bíða enn fleiri tækifæri. Ég vil að við grípum þau saman. Það er þess vegna sem ég bið þig um stuðning til að stíga næsta skref og halda áfram að gera samfélagið okkar betra og lífið einfaldara.“

Áslaug Arna Sigurbjörnsdóttir

LAND TÆKIFÆRANNA

Stjórnmál snúast fyrst og fremst um fólk. Það er okkur mikils virði að búa í frjálsu og öruggu landi. Ég vil tryggja að hér verði áfram eftirsóknarvert að vera og gott að búa.

SAMKEPPNISHÆFNI

Samkeppnishæfni er ekki bara tískuorð heldur mæling á því hversu gott er að lifa og starfa á Íslandi í samanburði við önnur lönd. Þess vegna skiptir máli að Ísland sé samkeppnishæft á öllum sviðum.

VALFRELSI

Við eigum að bjóða upp á aukið valfrelsi á öllum sviðum. Þannig náum við hvort í senn að bæta líf fólks og hagræða í rekstri hins opinbera.

FORGANGSRÖÐUN

Ég vil halda umsvifum ríkisins í lágmarki enda á ríkið að hafa sem minnst afskipti af lífum okkar. Aftur á móti á ríkið að sinna þeim verkefnum sem það þó sinnir af kostgæfni og skilvirkni. Öll þjónusta ríkisins á að vera til þess fallin að einfalda líf fólks og fyrirtækja.

FRAMFARIR

 Það skeið sem við lifum nú í mannkynssögunni er það besta hingað til. Lífslíkur hafa aukist sem og menntun og hagsæld, við lifum lengur og við betri heilsu, fátækt hefur minnkað, samskipti aukist og þannig mætti áfram telja. Allt gerist þetta með auknum alþjóðasamskiptum, alþjóðaviðskiptum, tækniframförum og nýsköpun.

REYKJAVÍK

Reykjavík er nógu stór til að rýma fjölbreytt hverfi og ólíka valmöguleika – en á sama tíma nógu lítil til að tryggja að rekstur og stjórn borgarinnar taki mið af þjónustu við borgarbúa en ekki stjórnkerfið sjálft.


ÁSLAUG ARNA

dómsmálaráðherra

Áslaug Arna Sigurbjörnsdóttir sækist eftir 1. sæti í prófkjöri Sjálfstæðisflokksins í Reykjavík.

Áslaug Arna var skipuð dómsmálaráðherra 6. september 2019. Hún hefur verið alþingismaður fyrir Sjálfstæðisflokkinn frá 2016, gegndi formennsku í allsherjar- og menntamálanefnd Alþingis, sat í efnahags- og viðskiptanefnd og var formaður Íslandsdeildar NATO. Síðar gegndi hún formennsku í utanríkismálanefnd Alþingis og formennsku í Íslandsdeild Alþjóðaþingmannasambandsins.

Árið 2015 var Áslaug Arna kjörin ritari Sjálfstæðisflokksins og hafði áður gegnt formennsku í Heimdalli, setið í stjórn SUS og miðstjórn Sjálfstæðisflokksins

Áslaug Arna hefur starfað sem lögreglumaður, blaðamaður og lögfræðingur.

PRÓFKJÖR

Áslaug Arna gefur kost á sér í 1. sæti í prófkjöri Sjálfstæðisflokksins í Reykjavík.

Prófkjörið verður haldið dagana 4. – 5. júní. Opið verður föstudaginn 4. júní milli 11-18 og laugardaginn 5. júní milli 10-18.

Kosið verður á eftirfarandi stöðum:

  • Valhöll, Háaleitisbraut 1.
  • Hótel Sögu, Hagatorgi.
  • Félagsheimili Sjálfstæðisfélagsins í Árbæ, Hraunbæ 102b.
  • Félagsheimili Sjálfstæðisfélaganna í Breiðholti, Álfabakka 14a (Mjódd).
  • Félagsheimili Sjálfstæðisfélagsins í Grafarvogi, Hverafold 1-3 (2. hæð).

HVAÐ ER PRÓFKJÖR?

Prófkjör er persónukjör innan flokka.

Það eru almennar kosningar sem flokkur boðar til um röðun á framboðslista fyrir alþingiskosningar. Þegar prófkjör fara fram bjóða frambjóðendur yfirleitt fram í ákveðið sæti.

Kosningin fer síðan þannig fram að kjósendur raða frambjóðendum í 1. sætið, 2. sæti o.s.frv á kjörseðli sínum. Í prófkjörinu í Reykjavík þarf að raða amk. 6 frambjóðendum en að hámarki 8 frambjóðendum.

Úrslitin fara þannig fram að sá frambjóðandi sem hlýtur flest atkvæði í 1. sætið nær því sæti. Þá er sá frambjóðandi fjarlægður úr talningunni og sá frambjóðandi sem eftir stendur og hefur hlotið flest atkvæði í 1. og 2. sætið samanlagt nær 2. sætinu.

Sá sem fær flest atkvæði fyrir utan þá tvo frambjóðendur í 1.-3. sætið fær síðan 3. sætið og svo framvegis.

HVERNIG TEK ÉG ÞÁTT?

Fyrsta skrefið til að taka þátt í prófkjöri Sjálfstæðisflokksins í Reykjavík er að skrá sig í flokkinn. Það er mjög aðgengilegt inn á heimasíðu flokksins www.xd.is, efst á forsíðunni, “Ganga í flokkinn” eða með því að smella hér.

Það er bæði hægt að nota rafræn skilríki til þess að skrá sig en einnig er hægt að fylla út eyðublað og skila í Valhöll, Háaleitisbraut 1 í Reykjavík.

Kjósandi þarf að hafa náð 15 ára aldri (miðast það við afmælisdag en ekki fæðingarár) og einnig þarf lögheimili kjósanda að vera í Reykjavík.

Sýnishorn af kjörseðli er hér til hliðar þar sem þarf að merkja Áslaugu númer 1. Dregið var handahófskennt um hvernig listinn er raðaður upp og er Áslaug neðst á blaði. Merkja þarf við 6 – 8 frambjóðendur, hverki fleiri en 8 né færri en 6 annars er kjörseðillinn ógildur.


MIG VANTAR ÞINN STUÐNING

Ég býð mig fram í 1. sæti í prófkjöri Sjálfstæðisflokksins í Reykjavík.

Viltu taka þátt í prófkjörsbaráttunni? Skráðu þig hér að neðan.

HVAÐ ER PRÓFKJÖR?

Prófkjör er persónukjör innan flokka. Það eru almennar kosningar sem flokkur boðar til röðun á framboðslista fyrir alþingiskosningar. Til þess að taka þátt þarf viðkomandi að vera skráður í Sjálfstæðisflokkinn, vera eldri en 15 ára og eiga lögheimili í Reykjavík.

HVERNIG KÝS ÉG ÁSLAUGU?

Dagana 4. og 5. júní fer fram prófkjör Sjálfstæðisflokksins í Reykjavík. Áslaug sækist eftir 1. sæti. Utankjörfundaratkvæðagreiðsla fer fram í Valhöll frá 21. maí milli 10-16.

HVERNIG GET ÉG HJÁLPAÐ?

Styðjum við Áslaugu með því að uppfæra prófilmyndina þína á Facebook. Smelltu hér að neðan til að uppfæra.


ÁSLAUG ARNA

1. sæti


GREINAR

Fósturlandsins Freyja
Verkefni sem við tökum alvarlega
Ríkið gegn Apple?

ÁSLAUG ARNA

1. sæti