Áslaug Arna Sigurbjörnsdóttir

háskóla-, iðnaðar og nýsköpunarráðherra,

oddviti Sjálfstæðisflokksins í Reykjavík suður

ÁRANGUR FYRIR ÍSLAND

Ég trúi á Ísland

Margir foreldrar segja að þau hafi fundið tilganginn í lífinu þegar börnin þeirra fæddust.

Ég kynntist því í gegnum kærleika mömmu minnar hvað það er að elska börnin sín af öllu hjarta. Rétt fram yfir tvítugt ólst ég upp við umvefjandi móðurást. Ég upplifði gleðina þegar mamma fagnaði með okkur systkinunum. Stoltið þegar þau pabbi hjálpuðu okkur að ná settum markmiðum og sársaukann þegar mamma vissi að hún væri að kveðja okkur í hinsta sinn. Ég horfðist í augu við að hún yrði ekki með okkur á lífsins stærstu stundum.

Í gleði og sorg.

Mamma kenndi mér að lífið er hverfult. Og hún kenndi mér það líka að öll höfum við tilgang. Verkefnið er að finna hann.

Ástæðan fyrir því að ég hef valið að helga líf mitt stjórnmálum er einföld: Ég trúi á Ísland.

Ég er viss um að hér getur verið best að búa. Við erum komin vel á veg en við nýtum þekkingu og tækni ekki nægilega vel til að takast á við stórar samfélagslegar áskoranir. Sveiflurnar í hagkerfinu eru of miklar, störfin of einsleit og of stór hluti okkar besta fólks leitar tækifæranna frekar úti í heimi.

Við eigum að gera betur.

Við eigum að bæta samfélagið og efla lífskjörin enn frekar. Lykillinn að lausninni er að við virkjum miklu betur okkar dýrmætustu en um leið vannýttustu auðlind: hugvitið.

Þannig getum við náð árangri fyrir Ísland.

Það er mitt verkefni sem ráðherra háskóla, iðnaðar og nýsköpunar.

Mitt loforð. Minn tilgangur.

LESA RITIÐ

Pistlar

Er þetta alvöru pistill?

Á hverjum degi dynur á okkur gríðarlegt magn af efni og upplýsingum. Til dæmis í formi greinaskrifa, tölvupósta, bréfa, smáskilaboða og í gegnum samfélagsmiðla. Við nýtum símann til að nálgast fleiri og fleiri upplýsingar. Fleiri lesa þennan pistil af snjallsímanum í dag en lásu pistil minn fyrir ári á blaðsíðum Morgunblaðsins. Tækninni fleygir fram og […]

Ekki þessi sálfræðingur

Á Austurlandi starfar kona, af erlendu bergi brotin, við ræstingar. Hún er þó menntaður sálfræðingur frá sínu upprunaríki. Á kvöldin aðstoðar hún, í sjálfboðastarfi, pólskumælandi Íslendinga. Hún má ekki starfa við sína sérgrein á Íslandi þar sem hún uppfyllir ekki þau skilyrði sem til þarf hér á landi. Hún hefur kallað eftir upplýsingum um það […]

Frumkvöðlar í jafnrétti

Íslenskar konur lögðu niður störf haustið 1975, þegar 90% þeirra gengu út af vinnustöðum sínum eða heimilum til að vekja athygli á mikilvægi kvenna á vinnumarkaði. Þær fóru fram á breytingar og gerðu kröfu um jafnrétti. Þær sýndu magnaða samstöðu og lömuðu íslenskt samfélag. Fyrir það náðu þær heimsathygli og engum duldist mikilvægi þeirra á […]

Fléttur og bleikar slaufur

Það er mikið áfall að greinast með krabbamein. Heimurinn fer á hvolf. Ekki bara fyrir þann sem greinist heldur fyrir fjölskylduna alla. Fátt annað kemst að og veikindin setja lífið fljótt í aðeins annað samhengi. Krabbamein snertir okkur öll á lífsleiðinni með einum eða öðrum hætti. Rúmlega einn af hverjum þremur greinist með krabbamein einhvern […]

FLEIRI PISTLAR

Skrá mig á póstlista

Hver er Áslaug Arna?

Hún er fædd í Reykjavík 30. nóvember 1990. Hún lauk stúdentsprófi við Verzlunarskóla Íslands árið 2010, BA-próf í lögfræði frá Háskóla Íslands árið 2015 og MA-próf í lögfræði frá sama skóla árið 2017.

Áslaug Arna starfaði sem blaðamaður á Morgunblaðinu, lögreglumaður hjá lögreglunni á Suðurlandi og laganemi á lögmannsstofunni Juris á árunum 2011 til 2016.

Árið 2015 var hún kjörin ritari Sjálfstæðisflokksins og hafði áður gegnt formennsku í Heimdalli, setið í stjórn SUS og miðstjórn Sjálfstæðisflokksins.

Hún hefur verið alþingismaður fyrir Sjálfstæðisflokkinn frá 2016 og gengdi formennsku í allsherjar- og menntamálanefnd Alþingis, sat í efnahags- og viðskiptanefnd og gengdi formennsku í Íslandsdeild NATO. Síðar gegndi hún formennsku í utanríkismálanefnd Alþingis og formennsku í Íslandsdeild Alþjóðaþingmannasambandsins.

Áslaug var skipuð dómsmálaráðherra 6. september 2019 og svo háskóla-, iðnaðar- og nýsköpunarráðherra árið 2021.

Áslaug Arna Sigurbjörnsdóttir

Ég trúi á Ísland

„Lykillinn að bættum lífsgæðum og fleiri tækifærum er að hugvitið verði stærsta útflutningsgrein þjóðarinnar. Í því felst að við getum vaxið út úr sveiflukenndu efnahagsástandi.“

„Við eigum ekki og getum ekki gert hlutina eins og við höfum alltaf gert þá, við verðum að nýta tæknina, nýsköpun og nýjar lausnir einstaklinga og fyrirtækja, ekki bara af því að þær eru betri heldur eru þær líka hagkvæmari.“

„Við eigum að berjast gegn þunglamalegu kerfi og gamaldags pólitík, minnka yfirbyggingu og auka skilvirkni. Ég vil meiri árangur á skemmri tíma.“

Pistlar

Er þetta alvöru pistill?

Ekki þessi sálfræðingur

Frumkvöðlar í jafnrétti

Fléttur og bleikar slaufur

Skrá mig á póstlista

Hver er Áslaug Arna?

Hlaðvörp

Þú verður að trúa meira á þig en aðrir gera

Skyndilausnir skila ekki viðunandi árangri

Áslaug Arna

Kaffi í Pyngjunni

Nýsköpun, vísindin og við

Við erum að hjálpa hugmyndum að fljúga

Áslaug Arna & Magnús

Áslaug Arna þingmaður

„Það felst engin langtímalausn í því að lofa gulli og grænum skógum og ætlast síðan til þess að einhverjir aðrir borgi.“

„Það er sárt að sjá hvernig Reykjavík er stjórnað. Það ætti að vera hægt að líta til Reykjavíkurborgar, höfuðborgarinnar, sem fyrirmyndar en það er þó alls ekki þannig. Ég myndi segja að Reykjavík væri stjórnað í hróplegu ósamræmi við mína hugmyndafræði.“

„Það er stórt verkefni að strákarnir upplifi skýran tilgang með námi og sjái fyrir að það greiði þeim farveg inn í spennandi framtíð, fleiri tækifæri og efli getu þeirra samhliða líðan og virkni.“

Ræður